20వ రోజు

భావవ్యక్తీకరణ

మన్రోబియన్ అనే పరిశోధకుని ప్రకారం ఎదుటి వ్యక్తిపై మన ప్రభావం మనం చూపే భావవ్యక్తీకరణ పై  ఆధారపడి ఉంటుంది.

 

 55% మన మన శరీర భంగిమ ద్వారా 

 38% మన గొంతులో చూపేస్తాయీ మార్పుల ద్వారా 

  7% కేవలం మాట్లాడే పదాల ద్వారా

 మన ప్రభావం ఎదుటి వ్యక్తిపై ఉంటుందట. 

 అంటే మన శరీర భంగిమ ప్రధానమని   తేటతెల్లమైంది.

భావ వ్యక్తీకరణ నైపుణ్యం మెరుగుపరుచు కోవడానికి కింది సూచనలు ఉపయోగపడతాయి.

*   ఇతరులతో మీ ప్రవర్తన ఎలా ఉందనే విషయాన్ని గుర్తెరిగి ఉండటం అవసరం.(ఎరుక)

*   మీ ప్రవర్తనకు మీరే బాధ్యత వహించగలగాలి. పొరపాట్లకు బాధ్యత వహించడానికి వెనుకాడకూడదు. ఇతరులతో మీ ప్రవర్తన ఎలా ఉన్నదనే విషయం వారిని అడిగి తెలుసుకోవడం ఉపయోగకరం.(బాధ్యత)

*   ఇతరులతో వ్యవహరించేటపుడు హావభావాలకు చాలా ప్రాముఖ్యం ఇవ్వాలి. మాటలూ చేతలూ ఒకదానితో ఒకటి ఏకీభవించకపోతే సాంఘిక వాతావరణంలో ఇబ్బందులు ఎదురవుతాయి.(హావభావాలు)

*   భావ వ్యక్తీకరణ నైపుణ్యం పెంచుకోవడానికి ఉత్తమ మార్గం- శ్రద్ధగా వినడం! అవతలి వ్యక్తి చెప్పే విషయం మీద మధ్యలోనే స్పందించే తత్వానికి స్వస్తి చెప్పాలి. ఏకాగ్రతతో విని, విషయం అర్థం చేసుకోవాలి. మధ్యలోనే సలహాలూ, సూచనలూ ఇవ్వడానికీ, విమర్శలు రేపడానికీ ప్రయత్నించకూడదు.(శ్రద్ధగా వినడం)

*   ఈ నైపుణ్యం పెంచుకోవడం ఒకరోజులో సాధ్యమయ్యే పని కాదు. అనేక విషయాల మీద ఒకేసారి దృష్టి పెట్టడం కంటే ఒక నిర్దేశిత సమయంలో రెండు మూడు విషయాలపై దృష్టి కేంద్రీకరించాలి. అప్పుడు వ్యక్తిగతంగా మీకున్న శక్తియుక్తుల సాయంతో సానుకూల ఫలితాలు సాధించాలి.(దృష్టిి)

*   ఇతరులతో మీ ప్రవర్తనను ఎప్పటికప్పుడు గమనించుకుంటూ, పరిశీలించుకుంటూ ఉండాలి. మీ ప్రతికూల ప్రవర్తనకు బాధ్యత వహించడం, ఎదుటివారు చెప్పేది శ్రద్ధగా వినడం, సమస్యలను పరిష్కరించడం నేర్చుకోవడం, హావభావాలను మెరుగుపరుచుకోవడం... ఇవన్నీ ఎంతో ఉపయోగకరం.